Psalms 137
1Ngasemifuleni yaseBhabhiloni sahlala phansi sakhala lapho sasikhumbula iZiyoni. 2Khona lapho ezihlahleni zemidubu saphanyeka amachacho ethu, 3ngoba khonapho abathumbi bethu bacela izingoma kithi, labahluphi bethu bafuna izingoma zentokozo; bathi, “Sihlabeleleni enye yezingoma zaseZiyoni!” 4Singazihlabela kanjani izingoma zikaJehova siselizweni lemzini na? 5Aluba ngikukhohlwa, O Jerusalema, isandla sami sokunene kasilahlekelwe yibungcitshi baso. 6Sengathi ulimi lwami lunganamathela olwangeni lomlomo wami uba ngingakukhumbuli wena, uba ngingathathi iJerusalema njengentokozo yami ephezu konke. 7Khumbula, O Jehova, ama-Edomi akwenzayo mhla iJerusalema ithunjwa. “Lidilizeni,” baklabalala, “lidilizeni kanye lezisekelo zalo!” 8Wena Ndodakazi yaseBhabhiloni, oqunyelwe ukubhubha, ubusisiwe lowo okuphindiselayo ngalokho okwenzileyo kithi – 9lowo ogola izinsane zakho azisakazele ematsheni.
Copyright information for
NdeIBE